وزارة التربية والتعليم تكشف حقيقة بوكليت الشهادة الإعدادية وموقف تلاميذ أولى وثانية ابتدائي من التقييم

كشف بيان صادر عن وزارة التربية والتعليم والتعليم الفنى، انه بالنسبة لامتحانات ثالثة إعدادي.. مفيش قرار من الوزارة صدر، ولا هيصدر قرار، بتعميم البوكليت على كل المحافظات.. وكل محافظة حرة في تطبيق البوكليت من عدمه ، وأنه بالنسبة للعام الماضي ، الوزارة قالت كدة مفيش غير 3 مديريات طبقوا البوكليت والباقي مشي بالنظام القديم " ورقة أسئلة ومعاها ورقة إجابة " .

وامتحانات نص السنة بالنسبة للمواد غير المضافة للمجموع والمستوى الرفيع في صفوف النقل، هتكون في المدارس قبل يوم ٧ يناير.. وهتكون كل مادة في حصة، واليوم الدراسي ماشي عادي.

الاتجاه إن المواد غير المضافة حتى في الشهادة الإعدادية تكون خارج الجدول لعدم إرهاق الطلاب.

= مفيش معلم هيراقب على الامتحان في يوم مادته.. في أي صف دراسي بما فيها الشهادة الإعدادية.

وامتحانات نص السنة هتكون من اللي تم تدريسه فعليا في الترم الأول (تدريسه فعليا).. والكلمة دي بإخطار رسمي من الوزارة للمديريات والإدارات التعليمية ، كل ورقة امتحان هيكون عليها باركود سري خاص باللجنة (المدرسة) بحيث لو ورقة اتسربت هيتعرف مكان التسريب والمسئول عنه خاصة لو كان قبل ميعاد الامتحان.

وأضاف البيان التوضيحي ، أن الوزارة أرسلت خطاب رسمي للمديريات التعليمية قالت لهم مفيش طالب في أولى أو تانية ابتدائي ينجح إلا إذا حضر ٦٠٪؜ من عدد أيام الدراسة، غير كدة هيتعمل للطالب امتحان تحديد مستوى في نهاية السنة تحت إشراف الإدارة التعليمية، نجح فيه هينجح ويصعد للصف الأعلى، سقط فيه هيسقط ويعيد السنة.

كما قامت وزارة التعليم باخطار المدارس رسميا بخصم الدرجات من الطلاب اللي بيغيبوا بجميع صفوف النقل ، يعني صفر حضور وصفر سلوك، وده تحت مسؤولية مدير المدرسة.

خدمات الدفع الإلكترونى لجامعة المنيا

حمل تطبيق نداء مصر

أرقام طوارئ